29.09.2012-ஈராக்கில் உள்ள சிறைச்சாலையில் பொலிசாருக்கும், சிறைக் கைதிகளுக்கும் ஏற்பட்ட கலவரத்தில் 12 பொலிசார் கொல்லப்பட்டனர், பலர் காயமடைந்தனர்.

23.09.2012-பருவநிலை மாற்றத்தால் 2100-ஆம் ஆண்டில் கடல் மட்டம் ஒரு அடி அதிகரிக்கும் வாய்ப்புள்ளதாக ஆய்வாளர்கள் தெரிவித்துள்ளனர். இதனால் ஊருக்குள் கடல் நீர் புகுந்து, பல நகரங்கள், கடலை ஒட்டிய சிறிய நாடுகள், தீவுகள் அழியும் ஆபத்து உருவாகி வருவதாக ஆய்வாளர்கள் தெரிவித்துள்ளனர்.

23.09.2012-ஐக்கிய நாடுகள் சபை ஆண்டுதோறும் செப்ரெம்பர் 21ம் திகதியை உலக அமைதி தினமாக கொண்டாடி வருகிறது. 

22.09.2012-எங்களது விடயத்தில் இசுரேல், அமெரிக்கா அத்துமீறி நடந்தால் தக்க பதிலடி கொடுக்கப்படும் என ஈரான் சனாதிபதி முகமது அகமது நியாத் கூறியுள்ளார்.

09.09.2012-உலகப் பொருளாதாரம் ஒரு மாபெரும் புயலை சந்திக்கவுள்ளதாக நிபுணர்கள் எச்சரித்துள்ளனர். இத்தாலியின் கோமோ ஏரியின் அருகே உள்ள செர்னோபியோ நகரில் ஆண்டுதோறும் உலகப் பொருளாதார நிபுணர்கள் கூடி விவாதிப்பது வழக்கம்.

05.09.2012 -உலக நாடுகள் தொடர் அச்சுறுதல்களுக்கு ஆளாகியிருக்கும் இந்த நெருக்கடியான கால கட்டத்தில், அமெரிக்காவின் பாதுகாப்பு கருதி ராணுவத்தை அனுப்ப தயங்கமாட்டேன் என்று அமெரிக்க அதிபர் ஒபாமா கூறியுள்ளார்.

30.08.2012-நிலவில் முதன் முறையாக கால்வைத்த நீல் ஆம்சுட்ராங், முன்னாள் பிரதமர் இந்திரா காந்தியிடம் மன்னிப்பு கேட்டதாக முன்னாள் வெளிவிவகாரத்துறை அமைச்சர் நட்வர் சிங் தெரிவித்துள்ளார்.

23.08.2012-சிரியாவில் பேராட்டக்காரர்களுக்கு எதிராக இரசாயன ஆயுதங்களை பயன்படுத்தக்கூடாது, மீறினால் தாக்குதல் நடத்தப்படும் என அமெரிக்கா எச்சரித்துள்ளது.

20.08.2012செவ்வாய் கிரகத்துக்கு அனுப்பப்பட்ட, "ரோவர் கியூரியாசிட்டி" விண்கலம், "லேசர்" ஒளிகற்றைகள் மூலம் பாறைகள் குறித்த ஆராய்ச்சியை துவக்கியுள்ளது.

சூரியக் குடும்பத்தைச் சேர்ந்த செவ்வாய் கிரகம் பூமியிலிருந்து 57 கோடி கி.மீ., தூரத்தில் உள்ளது. இந்த கிரகத்தைப் பற்றி மேலும் ஆராய கடந்த ஆண்டு நவம்பர் மாதம் ரோவர் விண்கலம் செலுத்தப்பட்டது.

250 கோடி டாலர் செலவில் இந்த விண்கலம் தயாரித்து அனுப்பப்பட்டு செவ்வாய் கிரகத்தில் 6ம் திகதி தரையிறங்கியது. ரோவர் விண்கலத்துடன் இணைக்கப்பட்டிருந்த, "க்யூரியாசிட்டி” என்ற, ரோபோ வாகனம், செவ்வாயின் நிலப்பரப்பில் இறங்கி ஆராய்ச்சிகளை மேற்கொண்டுள்ளது.

முதல் கட்டமாக இந்த, "கியூரியாசிட்டி” செவ்வாய் கிரகத்தில் உள்ள பாறைகளை, ஸ்கேனர் கருவி மூலம் ஒளிகற்றைகளை ஊடுருவ செய்து, அந்த பாறைகளின் ரசாயன தன்மை உள்ளிட்டவற்றை ஆராயும் பணியை நேற்று துவங்கியது.

கியூரியாசிட்டியில் உள்ள, 10 உபகரணங்கள் பாறைகளின் ரசாயன தன்மை மூலக்கூறுகளின் வடிவம் உள்ளிட்டவற்றை ஆராய்ந்து படம் பிடித்து பூமிக்கு அனுப்ப உள்ளன.

கியூரியாசிட்டி விண்கலத்தின் காற்றுமானி கருவி சேதம்

23.08.2012-செவ்வாய் கிரகத்தை ஆராய்வதற்காக அமெரிக்காவின் நாசா விண்வெளி மையம், கியூரியாசிட்டி என்ற விண்கலத்தை அனுப்பியது.

இந்த விண்கலம் கடந்த 2 வாரங்களுக்கு முன்பு செவ்வாய் கிரகத்தில் “காலே கிரேடர்” என்ற எரிமலை பகுதியில் பத்திரமாக தரையிறங்கியது. அங்கிருந்து பாறைகள், மலைகள் உட்பட பல பகுதிகளை புகைப்படம் எடுத்து பூமிக்கு அனுப்பி வருகிறது.

விரிவான ஆய்வு மேற்கொள்ள கியூரியாசிட்டி விண்கலத்தில் 10 விதமான அதிநவீன கருவிகள் பொருத்தப்பட்டுள்ளன. அவற்றில் விண்ட்சென்சார் என்றழைக்கப்படும் காற்று மானி கருவியும் ஒன்று

இந்த கருவி செவ்வாய் கிரகத்தில் வீசும் காற்றின் அளவை கண்டறிவதற்கா பொருத்தப்பட்டது. தற்போது இந்த கருவி சேதமடைந்துவிட்டது. இத்தகவலை கியூரியாசிட்டி விண்கலத்தை கண்காணித்து வரும் குழு தலைவர் ஜாவியர் கோமெஷ்-எல்விரா தெரிவித்துள்ளார்.

மேலும் அவர் கூறுகையில், விண்கலம் செவ்வாய் கிரகத்தில் தரையிறங்கும் போது அங்கு ஏற்பட்ட நில அதிர்வினால் பாறைகள் உடைந்து சிதறின.

இதன் காரணமாக விண்கலத்தில் உள்ள வயர்களின் இணைப்பு துண்டிக்கப்பட்டு சேதம் அடைந்திருக்கலாம்.

அதனால் மிகப்பெரிய பாதிப்பு இல்லை. அதை சரி செய்து விடலாம். அதற்கான சோதனைகள் நடைபெற்று வருகின்றன என்றும் தெரிவித்துள்ளார்.