ஆப்கானிஸ்தானில், கடந்த வாரத்தில் அமெரிக்க படை முகாமொன்றில் ஏழு சி.ஐ.ஏ அதிகாரிகள் உள்ளடங்கலாக எட்டு பேர் கொல்லப்பட்ட தற்கொலை தாக்குதலை காட்டும் வீடியோ காட்சியை
பாகிஸ்தானிலுள்ள தொலைக்காட்சி சேவையொன்று ஒளிபரப்பியுள்ளது.
இந்த வீடியோ காட்சியில், இராணுவ சீருடையில் தாடியுடன் தோன்றும், ஜோர்தானைச் சேர்ந்த இரட்டை உளவாளி என அறியப்பட்ட ஹுமாம் காலி அபு-முலால் அல்-பலாவி என்பவர், பாகிஸ்தானிய தாலிபன் தலைவர் பைத்துல்லாஹ் மெஹ்சுத் கொல்லப்பட்டமைக்கு பழிவாங்கும் முகமாக இந்த தாக்குதலை நடத்துவாக கூறுகிறார்.
பைத்துல்லாஹ் மெஹ்சுத் அமெரிக்க ஏவுகணை தாக்குதல் ஒன்றில் கொல்லப்பட்டதாக கடந்த ஓகஸ்டில் அறிவிக்கப்பட்டது.
மெஹ்சுதின் மரணத்துக்கான பழிவாங்கும் நடவடிக்கை அமெரிக்காவுக்கு உள்ளேயும் வெளியேயும் மேற்கொள்ளப்படவேண்டும் என அந்த நபர் கூறுகிறார்.
இந்த வீடியோ காட்சியின் நம்பகத் தன்மையை உறுதிப்படுத்த முடியவில்லை.
