17.04.2012-நீர், நிலம், பனிக்கட்டி ஆகியவற்றில் செல்லக் கூடிய சூப்பர் காரை, சீனாவைச் சேர்ந்த, யுகான் யாங் என்ற இளைஞர் வடிவமைத்துள்ளார்.
நிலத்திலிருந்து நீருக்குள் செல்ல, காரில் உள்ள ஒரு இன்யினை இயக்கினால் போதும். காருக்கு அடியில், பலூன் போன்ற அமைப்பிலான, ஏர்பேக் உருவாகும். தண்ணீரில் இருந்து சாலைக்கு வரும் போது, இந்த, ஏர்பேக் சுருங்கி விடும்.
அடர்ந்த பனிக் கட்டியிலும், இந்த காரை, மணிக்கு, 52 கி.மீ., வேகத்தில் இயக்க முடியும். மேலும், சுற்றுச் சூழலுக்கு பாதுகாப்பான தொழில்நுட்பமும் இதில் உள்ளது. சுற்றுச் சூழலை மாசுபடுத்தும் கார்பன், இந்த காரில் இருந்து, ஒரு சதவீதம் கூட வெளி வராது.
சீனாவை தொடர்ந்து, மற்ற நாடுகளிலும், இந்த காரை பிரபலப்படுத்த திட்டமிட்டுள்ளார், யுகான் யாங். இந்த காருக்கான விலை, இன்னும் நிர்ணயிக்கப்படவில்லை.