குமரிநாடு.நெற்

22.12.2011-புலனாய்வாளர்கள் அதிர்ச்சி!!   வடகொரிய சனாதிபதி கிம் யோங் இல் சென்ற மார்கழி மாதம் 17  இன் திகதி மரணமடைந்ததாக கடந்த திங்கட்கிழமை அன்றே உத்தியோகபூர்வமாக வடகொரிய சனாதிபதி மாளிகை அறிவித்தது புலனாய்வு வட்டாரங்களில் பெரும் அதிர்ச்சியையும் ,தமது இயலாமையையும் தோற்றுவித்துள்ளது. அதாவது அருகில் கண்ணில் எண்ணை ஊற்றியவாறு, அமெரிக்க செய்மதிகளின் ஆதரவோடும் வடகொரியா என்ன செய்கிறது என கண்காணிக்கும் தென்கொரிய புலனாய்வு வல்லுனர்களுக்கும் ,அமெரிக்க உளவு அமைப்புக்கும் தனது மரணத்தின் மூலம் 48  மணிநேரங்களை வடகொரிய கொடுத்திருந்தும் யோங் இன் இறப்பினை கண்டுபிடிக்க முடியவில்லை.

சனாதிபதி கிம் யோங் இல் பயணிக்கும் பிரத்தியோகமான ரெயினில் வைத்தே அவருக்கு மாரடைப்பு ஏற்பட்டதாகவும் அதனை தொடர்ந்து அவரது உடல் சனாதிபதி மாளிகையில் வைக்கப்பட்டதாகவும் செய்திகள் தெரிவிக்கின்றன.

கிம் யோங் இல் சனாதிபதியாக இருக்கும்போதே இருண்ட இடமாகவும் ,புலனாய்வு தகவல்களை இலகுவில் பெற்றுவிட முடியாததாகவே வடகொரியாவை வைத்திருந்ததார். ஆனால் இறப்பின் பின்னும் அவர் புலனாய்வு நிறுவனங்களுக்கு நன்றாகவே தண்ணி காட்டி உள்ளார்.

இதனிடையே இன்று தென்கொரியர்களால் இராட்சத பலூன்களில் பல்லாயிரக்கணக்கான துண்டு பிரசுரங்கள் வடகொரியாவை நோக்கி வீசப்பட்டன.ஒரு சனாதிபதி மரணமடைந்ததையே தெரியாமல் இருந்தவர்கள் துண்டு பிரசுரம் வீசி என்ன பயன்.