மருத்துவத் தேவை தவிர வேறு எந்த நோக்கத்திற்காகவும் வீட்டை விட்டு வெளியே செல்ல வேண்டாம்.
வீட்டில்:முடிந்தால் உங்களுக்காக ஒரு தனி அறையை ஒதுக்கிக் கொள்ள வேண்டும்.
உங்களுக்கும், உங்களது குடும்ப உறுப்பினர்களுக்கும் இடையில் குறைந்தபட்சம் ஒரு மீட்டர் தூர இடைவெளியைப் பேண வேண்டும்.
உங்களால் முடிந்தால் தனியான கழிப்பறை / குளியலறையைப் பயன்படுத்துங்கள். அவ்வாறு இல்லாது நீங்கள் ஒரே குளியலறையை / கழிப்பறையைப் பயன்படுத்துவதாக இருந்தால் அவற்றின் கதவு கைப்பிடி, குழாய் டப் போன்றவற்றை சோப்பு மற்றும் தண்ணீர் என்பவற்றினால் கழுவுவதை உறுதி செய்து கொள்ளவும்.
வீட்டிற்கு வரும் விருந்தினர்களை முடிந்தவரை குறைக்கவும்.
நீங்களும் வீட்டிலுள்ள மற்றவர்களும் அடிக்கடி மற்றும் முழுமையாக கைகளை கழுவ வேண்டும் (குறைந்தது 20 விநாடிகளுக்கு).
உணவுத் தட்டுகள், தேநீர் கோப்பைகள், கண்ணாடி கோப்பைகள், துவாய் மற்றும் படுக்கை விரிப்புக்களை மற்றவர்களுடன் பகிர் வேண்டாம்.
தும்மும்போது அல்லது இருமும்போது எப்போதும் உங்கள் வாயை ஒருமுறை மட்டும் பாவிக்கக்கூடிய தாளினால் அல்லது முழங்கையின் உட்புறத்தால் மூடவும். பயன்படுத்திய தாள்களை மூடி கொண்ட ஒரு குப்பைத் தொட்டியில் இட்டு பாதுகாப்பாக அகற்றவும்.
நீங்கள் பயன்படுத்திய அனைத்து முகமூடிகள் மற்றும் கையுறைகளை ஒரு மூடி கொண்ட குப்பைத் தொட்டியில் இட்டு அப்புறப்படுத்துங்கள்.
மிக முக்கியமாக, கடந்த இரண்டு வாரங்களுக்குள் நீங்கள் வெளிநாட்டில் இருந்திருந்தால் அல்லது கடந்த இரண்டு வாரங்களுக்குள் COVID-19 நோயால் பாதிக்கப்பட்டுள்ளதாக உறுதிப்படுத்தப்பட்ட அல்லது சந்தேகிக்கப்படும் ஒரு நபருடன் நெருக்கமாக தொடர்பு கொண்டிருந்தால், உடனடியாக அப்பகுதியின் பொது சுகாதார ஆய்வாளர் அல்லது சுகாதார மருத்துவ அதிகாரியிடம் தெரிவிக்கவும்.
மருத்துவ சிகிச்சை குறித்த மேலதிக ஆலோசனைகளுக்கு 1999 என்னும் தொலைபேசிச் சேவையை அணுகலாம்.
சிகிச்சைக்காக போக்குவரத்து ஒழுங்குகளைச் செய்ய, 1990 அவசரமருவவண்டி(ஆம்புலன்சு) சேவையைத் தொடர்பு கொள்ளவும்.
