பான் கீ மூனைப் பற்றி சாதாரணமாகப் பேசியவாறே சிறிலங்கா குழுவினர் சந்திப்பு அறையில் இருந்து வெளியே வந்தனர்.
அப்போது, “நாங்கள் அவருக்கு அனுப்பிய காணொலியை அவர் ஏற்கனவே பார்வையிட்டுள்ளார்“ என்று சிறிலங்கா அதிபரைப் பார்த்து, பாலித கொஹன்ன கூறியுள்ளார்.
இதனை இன்னர்சிற்றி பிரஸ் செய்தியாளர் மத்யூ ரசல் லீ காணொலியில் பதிவு செய்துள்ளார்.
பாலித கொஹன்ன கூறியது ‘சிறிலங்காவின் கொலைக்களங்கள்‘ ஆவணப்படத்துக்குப் போட்டியாக சிறிலங்கா அரசாங்கம் தயாரித்த "Lies Agreed To," ஆவணப்படமே என்று இன்னர்சிற்றி பிரஸ் கூறியுள்ளது.
சிறிலங்காவின் கொலைக்களங்கள் ஆவணப்படத்தின் ஒரு இறுவட்டு ஐ.நா பொதுச்செயலருக்கு அனுப்பப்பட்டு நீண்டநாட்களாகியும் அவர் அதனைப் பார்வையிடவில்லை.
ஐ.நா பொதுச்செயலர் இந்த ஆவணப்படத்தை இன்னமும் பார்வையிடவில்லை என்றும், ஆனால் அதன் உள்ளடக்கம் பற்றி அவர் அறிந்து கொண்டுள்ளதாகவும் பான் கீ மூனின் பேச்சாளர் மார்ட்டின் நெஸ்ர்க்கி கடந்த 22ம் நாள் கூறியிருந்தார் என்பது குறிப்பிடத்தக்கது.