12 .07. 2011 செனல்4 ஊடகம் தொடர்பில் இந்திய மத்திய அரசாங்கம் எவ்வித கருத்துக்களையும வெளியிடவில்லை எனத் தெரிவிக்கப்படுகிறது.
செனல்4 ஊடகத்தினால் அண்மையில் வெளியிடப்பட்ட சர்ச்சைக்குரிய ஆவணப்படம் தொடர்பில் இந்தியா மௌனம் காத்து வருவதாக சர்வதேச ஊடகங்கள் சுட்டிக்காட்டியுள்ளன.
இந்த ஆவணப்படம் தொடர்பில் கருத்து வெளியிடுமாறு இந்திய வெளிவிவகாரச் செயலாளர் நிரூபமா ராவிடம் கோரிய போது, கருத்துக்கள் எதனையும் வெளியிடத் தயாரில்லை என குறிப்பிட்டுள்ளார்.
இந்தியாவின் ஹெட்லைன்ஸ் டுடே என்ற ஊடகம் அண்மையில் செனல்4 ஊடகத்தின் ஆவணப்படத்தை இந்தியாவில் மறு ஒளிபரப்புச் செய்திருந்தது.
இதேவேளை, இந்த விடயம் குறித்து அரசியல் ரீதியாக அரசாங்கம் செயற்பட வேண்டுமென முன்னாள் வெளிவிவகார அமைச்சர் யஸ்வந்த் சிங் தெரிவித்துள்ளார்.
எனினும் குறித்த குற்றச்சாட்டுக்கள் அடிப்படையற்றவை என இலங்கை இராணுவம் திட்டவட்டமாக மறுத்துள்ளது.
