01.01.2015- உலக அளவில் மிகவும் மகிழ்ச்சியாக வாழ்ந்து வரும் மக்கள் எந்த நாட்டை சேர்ந்தவர்கள் என்பது குறித்த சர்வே ஒன்று சமீபத்தில் எடுக்கப்பட்டது. இந்த சர்வே முடிவு நேற்று வெளியானது. இதில் உலக அளவில் மிகவும் மகிழ்ச்சியாக இருப்பவர்கள் பிஜி நாட்டை சேர்ந்தவர்கள் என்றும், மிகவும் சோகமாக இருப்பவர்கள் ஈராக் நாட்டை சேர்ந்தவர்கள் என்றும் கணிக்கப்பட்டுள்ளது.
உலக அளவில் மகிழ்ச்சியில் இருக்கும் நாட்டு மக்கள் யார் என்ற கருத்துக்கணிப்பு ஒவ்வொரு ஆண்டின் இறுதியிலும் எடுக்கப்பட்டு வருகிறது. இந்நிலையில் 2014ஆம் ஆண்டின் மகிழ்ச்சியான நாட்டு மக்கள் என்ற பெருமையை பிஜி மக்கள் பெற்றுள்ளனர்.
மொத்தம் 65 நாடுகளில் எடுக்கப்பட்ட இந்த சர்வேயில் 75%மக்கள் மகிழ்ச்சியாக வாழ்வதாக பிஜி நாட்டினர் தெரிவித்துள்ளனர். அதேபோல் உலக அளவில் மிகவும் சோகமாக வாழும் மக்கள் ஈராக் நாட்டு மக்கள்தான். ஈராக்கில் 92% மக்கள் மகிழ்ச்சியாக தங்கள் வாழ்க்கை இல்லை என்று கூறியுள்ளனர்
