அரிசோனா: அமெரிக்காவில் உள்ள பூனை ஒன்று காலிவுட் நடிகர்களை விட அதிகம் சம்பளம் வாங்குகிறது. அமெரிக்காவின் அரிசோனா மாநிலத்தைச் சேர்ந்த தபதா பன்டென்சன்(29), வளர்ச்சி குறைபாடுள்ள பூனை ஒன்றை வளர்த்து வருகிறார்.
டார்டார் சாஸ் என்று பெயர் வைக்கப்பட்டுள்ள அந்த பூனையின் சேட்டையை வீடியோ எடுத்து கடந்த 2012ம் ஆண்டு ரெட்டிட் மற்றும் யூடியூப்பில் வெளியிட்டார். அதன்மூலம் அந்த பூனை பிரபலமாகிவிட்டது.
பார்க்க கோபத்தில் இருப்பது போன்று தெரியம் அந்த பூனை விளம்பரங்கள், புத்தகங்கள் மற்றும்ஒரு படத்தில் கூட நடித்துவிட்டது. கடந்த 2 ஆண்டுகளில் அந்த பூனை 100 மில்லியன் அமெரிக்க டாலர்(இந்திய ரூபாய் மதிப்பில சுமார் 621 கோடி) சம்பாதித்துள்ளது. மேலும் டார்டரை பிரபலமாக்கி கோடிக் கணக்கில் சம்பாதிக்க வைத்த பெருமை, மேனேஜர் பென் லாஷஸையே சேரும் என்பது குறிப்பிடத்தக்கது.
ஹாலிவுட் நடிகர்,நடிகைகளை விட இந்த பூனை அதிகம் சம்பாதித்துள்ளது. மேலும் பிரபல கால்பந்து வீரர் கிறிஸ்டியானா ரொனால்டோவின் இந்த ஆண்டு வருமானம் 27.1 மில்லியன் டாலர், ஆனால் இந்த பூனையின் வருமானம் அதை விட அதிகமாக உள்ளது குறிப்பிடத்தக்கது.