இத்தாலி: நம்பிக்கையில்லாத திருமணம் காரணமாக இத்தாலியில் விவாகரத்து வழக்குகள் நாற்பது சதவீதம் உயர்ந்துள்ளதகாக இத்தாலிய வழக்கறிஞர்கள் சங்கம் அறிவித்திருக்கிறது.இது குறித்து வழக்கறிஞர்கள் சங்க தலைவர் ஜியான் எட்டோரே கூறுகையில், சமூக ஊடகங்கள் மூலம் உரை நிகழ்த்தி பின்னர் பேஸ்புக் மூலம் துரோகம் செய்கின்றனர். இப்பொழுது வாட்ஸ் ஆப் மூலம் தங்களது கருத்துகளை மற்றவர்களுக்கு தெரியாமல் உரையாடுகின்றனர். இதில் புகைப்படங்கள் பரிமாற முடியும், மூன்று அல்லது நான்கு பேரிடம் ஒரே நேரத்தில் உரை நிகழ்த்த முடியும். இது ஒரு டைனமைட் போல் உள்ளது என்று அவர் கூறினார். 2012 நடந்த பெரும்பாலான விவாகரத்துகள் பேஸ்புக் உரையாடல் உதவியுடன் நிரூபிக்கப்பட்டது.
ஆனால் தற்போது வாட்ஸ் ஆப் உதவியுடன் கணவர்கள் செய்யும் தவறை மனைவிகள் சுட்டிக்காட்டி விவாகரத்து தரக் கோரி நீதிமன்றங்களை அணுகுகின்றனர். வாட்ஸ் ஆப்பை தற்போது உலகம் முழுவதும் 600 மில்லியன் பயனாளர்கள் பயன்படுத்துகின்றனர். இதில் தற்போது புதிய மேம்பாடாக ஒருவர் அனுப்பிய தகவலை மற்றவர் படித்து விட்டால் அது உடனே அந்த உரைக்கு கீழ் ஊதா கலர் டிக் மார்க் ஆகா தெரியும். இதனால் தங்கள் அனுப்பிய உரை அவர் படிக்கவில்லை என்று பொய் கூறி தப்பித்து கொள்ள முடியாது என்று ஜியான் எட்டோரே தெரிவித்துள்ளார். எனவே ஆண்கள் முடிந்தவரை தவறு செய்யாமல் இருப்பது நல்லது என்றும் மேலும் தங்களது செல்போனை சப்தம் இல்லாமல் வைத்திருப்பது நல்லது.
