சிங்கப்பூரரைத் திருமணம் புரிய விரும்பும் வெளிநாட்டவர், அடுத்த ஆண்டு முதல் திரு மணத்திற்கு முன்பே தனக்குச் சிங்கப்பூரில் தங்குவதற்கு நீண்ட நாள் விசா கிடைக்குமா என்ப தைத் தெரிந்துகொள்ளலாம். ‘எல்டிவிபி’ எனும் நீண்ட நாள் விசாவை விரைவாகப் பெறுவதுடன் வெளிநாட்டுக் கணவர் அல்லது மனைவி சிங்கப்பூரில் மேலும் எளிதாக வேலை தேடுவதற்கான நடவடிக்கைகளும் அமுல்படுத்தப்படும்.
இப்போது சிங்கப்பூரரைத் திருமணம் புரியும் வெளிநாட்டவர் மணமான பிறகே ஓர் ஆண்டு ‘எல்டிவிபி’ விசாவிற்கு விண்ணப்பிக்கலாம். முடிவுகள் தெரிய சராசரியாக ஆறு மாதங்கள் பிடிக்கும்.
ஆனால் அடுத்த ஆண்டு தை ஒன்றாம் திகதி முதல் ‘எல்டிவிபி’ விசா கிடைக்குமா என நிர்ணயிக்கும் ஒப்புதல் கடிதத்திற்குச் சிங்கப்பூர்-வெளி நாட்டு தம்பதியர் இணையம் வழி இலவசமாக விண்ணப்பிக்கலாம். இதன் முடிவு சராசரியாக நான்கு வாரங்களில் தெரிந்துவிடும். திருமணம் முடிந்த பிறகு ‘எல்டிவிபி’ ஒப்புதல் கடிதத்துடன் வெளிநாட்டுக் கணவரோ, மனைவியோ ‘எல்டிவிபி’ விசாவிற்கும் விண்ணப்பிக்கலாம். அப்போது அந்த விண்ணப்பத்தின் முடிவுகள் அதிகபட்சம் ஆறு வாரங்களில் கிடைத்துவிடும்.
