வன்னிப் பிரதேசத்தில் வேலை செய்த வெளிமாவட்ட உத்தியோகத்தர்கள் எப்படியாவது இந்த இடங்களை விட்டு பாதுகாப்பு கருதி போய்விட வேண்டும்/அல்லது போய்க் கொண்டிருந்த காலம்..
இவ்வாறான நெருக்கடி மிக்க காலத்தில் 2008 சனவரி 02 ஆம் திகதி கிளிநொச்சி பிராந்திய பிரதி நீர்ப்பாசன பணிப்பாளராக எந்திரி.சுதாகரன் அவர்கள் பதவி ஏற்றார்..
கிளிநொச்சி பிராந்திய நீர்பாசன திணைக்களம் என்பது கிளி/யாழ் மாவட்டங்களை உள்ளடக்கியதாகும்..
2008 இன் நடுப்பகுதியிலிருந்து கிளிநொச்சி மெல்ல மெல்ல இடம்பெயரத் தொடங்கியது,இதனால் அலுவலகத்தினை பாதுகாப்பான இடங்களுக்கு நகர்த்தி நிர்வாகப் பணிகளை நடாத்த வேண்டிய நிலமை எல்லா திணைக்கள தலைவர்களுக்கும் இருந்தது போல எந்திரி சுதாகரனுக்கும் இருந்தது..
இறுதிப் போரில் உயிர்காக்க இடம்விட்டு பாதுகாப்பு பிரதேசங்களுக் மக்கள் இடம் பெயர்ந்த போது 2008 டிசம்பரில் “விசுவமடுவில்” இருந்து வெளியேற வேண்டிய நிலை, வவுனியாவில் தற்காலிக அலுவலகத்தில் பணிகளை ஆரம்பிக்கிறார்,யாழ்ப்பாணத்தின் பணிகளை ஆற்ற விமானமூலம் சென்றுவர வேண்டிய நிலமை..
போர் காலத்தில் மிகக்குறைந்த வளங்களுடன் பாரிய கட்டுமானங்களின்றி அழிந்து போன நீர் கட்டுமானங்களை வைத்து, நீர் முகாமை செய்வது மிகப்பெரிய சவால் நிறைந்ததாக இருந்து..
2009 மீள் குடியேற்றம் ஆரம்பிக்க ஏதுவாகவும் ஏனைய திணைக்களங்கள் இயக்குவதற்கு வாய்ப்பாகவும் தனது திணைக்களத்தினை மிக விரைவாக மீள இயக்க தொடங்குகிறார்..
மீள் குடியேற்றத்தின் போது நீண்ட காலப் போரினால் அழிவடைந்த குளங்களையும்,கால்வாய்களையும் புனரமைத்து மக்களின் இயல்பு வாழ்வை வளம் படுத்துவதென்பது சவால் நிறைந்ததாக காணப்பட்டது. இதற்காக குறுங்கால நடுத்தர காலத்திட்டங்களை வகுத்து நீர்ப்பாசன புனரமைப்புக்களை முன்னெடுத்தார்.
2009 நடுப்பகுதியில் இரணைமடு குளத்தினையும்,கால்வாய்களையும் புனரமைத்து மீள் குடியேறிய மக்களுக்கான விவசாய செய்கைக்கு விரைந்து வழிசமைத்தார்..
போரின் போது பாரிய அளவில் உடைப்பெடுத்த கல்மடுக்குளத்தினை உலகவங்கியின் நிதி உதவியுடன் மீளக் கட்டி 2012 சிறுபோகச் செய்கையை மேற்கொள்ள மக்களுக்கு வாய்ப்பளித்தார் இந்தக் குளத்தின் மீள் கட்டுமானம் தனது பணியின் ஒரு மைல் கல் எனக்குறிப்பிடுகிறார் எந்திரி.
2009 இன் பின்னர் இரணைமடு பாரிய நீர்த்தேக்க அபிவிருத்திப் பணிகளை ஆசிய அபிவிருத்தி வங்கியின் நிதி பங்களிப்பில் 5300 மில்லியன் செலவில் புனரமைத்து குளத்தின் கட்டினை உயர்த்தி அதன் நீர் கொள்ளளவினை அதிகரித்ததுடன்,கால்வாய்கள்,வயல் வீதிகளை பாரிய அளவில் அபிவிருத்தி செய்ய காரணமாக இருந்தமை குறிப்பிட்டு கூறமுடியும்.
இயற்கை பொய்த்ததால் பல போகங்கள் சிறுபோகச் செய்கை பாதிக்கப்பட்டாலும் இவ்வருடம் இரணைமடு புனரமைப்பின் நிரந்தர பயனை மக்கள் அனுபவிக்கத் தொடங்கி விட்டனர்
கிளிநொச்சி மாவட்டத்தின் வரண்ட பகுதிகளை வளம்மிக்கதாக உருவாக்கும் நோக்கில் கனகராயன் ஆற்றுப் படுக்கையில் விரயமாகும் நீரை பயன்படுத்தும் வகையில் ஆறுமுகம் திட்டம்,பூநகரி திட்டம்,மண்டக்கல்லாறு திட்டம் என்பனவற்றை முன்மொழிந்து தற்போது அவை செல்வடிவம் பெற காரணமானார்.
நீர்ப்பாசன திட்ட வேலைகளுடன் சமூக அபிவிருத்தி நோக்கில் பல்வேறு அமைப்புக்களுக்கூடாக இவர் ஆற்றிவரும் பங்கும் முக்கியமானது.
கிளிநகர றோட்டறி கழக ஆரம்பகால உறுப்பினராகவும் 2017/2018 கால தலைவராகவும் இருந்து இவர் ஆற்றிவரும் பணி முக்கியமானதாகும்.
சேர் பொன் இராமநாதன் நம்பிக்கை நிதியத்தின் தலைவராக இருந்து மருதநகர் மக்களுக்காக இவர் ஆற்றி வரும் பணிகள் சிறப்புடன் நோக்க கூடியது.
பாடசாலைகளின் கட்டட வடிவமைப்பு மேற்பார்வை,ஒழுங்கு படுத்தல்கள், வள உதவிகள் என்பனவும் இவரது பிறிதொரு பங்களிப்பாக மனம் கொள்ளத்தக்கது.
வடக்கிலுள்ள பல்வேறு ஆலயங்களின் அபிவிருத்தி பணியில் சுதாகரனின் பொறியியல் அறிவு பயன்படுத்தப்படுவதை அனைவரும் உணர்வர்.
தலைவனாய்,சேவகனாய்,நண்பனாய், ஆலோசகனாய்,வழிகாட்டியாய்,துன்பத்தில் தோள் கொடுப்பவனாய்,மற்றவர் இன்பத்தில் மகிழ்பவனாய் கிளிநொச்சியில் எம்முடன் இணைந்திருந்த எந்திரி சுதாகரனின் பணி இந்த வடக்கு மாகாண மக்கள் அணைவருக்கும் கிடைக்க வேண்டும் என்பதே எமது பேரவா!
₹வடக்கின் எந்தவொரு நீர்ப்பாசன அபிவிருத்தி திட்டமிடலையும் எந்திரி சுதாகரனை விடுத்து சிந்திக்க முடியாது என்பது மட்டும் மறுக்க முடியாத பேருண்மை ஆகும்..
—நட்புரிமையுடன்—
—பங்கை—
