குமரிநாடு.நெற்

18...19.03.2020 தீயநுண்மி (கொரோனா வைரசு) விவகாரத்தில் ஈடுபட்ட வைத்தியரை தாக்கிய விவகாரம் யாழ் றியோ குளிர்களி அகம் (கிறீம் கவுசு) மூடப்பட்டது.வெளிநாட்டில் இருந்து வருகை தந்தவர்கள் நேற்று முன்தினம் யாழ்ப்பாணம் யாழ் இறியோ குளிர்களி அகம் றியோ கிறீம் கவுசிற்குச் சென்றுள்ளனர்.இதனைக் கேள்விப்பட்ட ஊர்காவற்துறை வைத்திய பொறுப்பதிகாரி பரா.நந்தகுமார் மற்றும் குழுவினர் விசாரணை மேற்கொண்டு வெளிநாட்டவர்கள் வருகை தந்தால் தமக்கு அறிவிக்க வேண்டும். அத்தோடு கொரோனா வைரசு தாக்கம் மற்றும் தொற்றும் முறை பற்றியும் எடுத்துரைத்தார். அதன் பின்னர் திலீபன் நினைவிடத்திற்கு அருகில் காத்திருந்த வேளையில் இறியோ பணியாளர்கள் உட்பட சிலரால் வைத்திய குழு தாக்கப்பட்டனர். இதில் முதல் குற்றவாளியாக இறியோ குளிர்களி (கிறீம் கவுசு) உரிமையாளர் முறைப்பாட்டில் தெரிவிக்கப்பட்டதையடுத்து இறியோ குளிர்களி (கிறீம் கவுசு) நேற்று மாலையிலிருந்து மூடப்பட்டுள்ளது.