இரக்கமின்றி தாக்குதல் நடத்துவோம் : அமெரிக்காவுக்கு கடும் எச்சரிக்கை.15.03.2017-எதிர்காலத்தில் செட்லைட் மூலமாக விண்வெளியில்போர் இடம்பெறவுள்ளதாகவும், அதற்கான தயார்ப்படுத்தலை சீனா தற்போது முன்னெடுத்துள்ளதாகவும் அகில உலக ஊடகங்கள் செய்தி வெளியிட்டுள்ளன.
அந்த வகையில், எதிரி நாடுகளின் செய்மதிகளை தாக்க அழிக்க கூடிய வகையில் கதிர்வீச்சு- லேசர் மற்றும் மின்காந்த ஆயுதங்களையும், அதி சக்திவாய்ந்த மைக்ரோவேவ் ஆயுதங்களையும் சீனா உற்பத்தி செய்து வருவதாக தெரிவிக்கப்பட்டுள்ளது.
ஆசிய இராணுவ விவகாரங்கள் தொடர்பான நிபுணர் ரிச்சர்ட் பிசாரை மேற்கோள்காட்டி முழுஉலக ஊடகங்கள் வெளியிட்டுள்ள செய்தியில் தெரிவிக்கப்பட்டுள்ளது.
தொடர்பாடல், பிரதேசங்களை அடையாளம் காண உதவும் செய்மதிகளின் துல்லியமான தாக்குதலை முறியடிக்கும் நோக்கில் இவ்வாறான ஆயுதங்களை உற்பத்தி செய்து வருகின்றது.
சீனாவின் இந்த நடவடிக்கை விண்வெளி ரீதியிலான இராணுவமயமாக்களை துரிதப்படுத்தும் என ரிச்சர்ட் பிசார் எச்சரிக்கை விடுத்துள்ளார்.
விண்வெளி வீரர்களின் உயிரை சீனா பணயம் வைக்கின்றது. இந்த ஆயுத முன்னேற்றங்களை கொண்டு அமெரிக்க செய்மதிகள் மீது தாக்குதல் மேற்கொள்ளகூடும்.
இதேவேளை, கதிர்வீச்சு-லேசர் முறையிலான ஆயுதங்களை அமெரிக்கா ஏற்கனவே அபிவிருத்தி செய்துள்ளது. இந்நிலையில், சீனாவின் கதிர்வீச்சு- லேசர் ஆயுத விருத்தி தொடர்பில் அமெரிக்க விரைந்து செயற்பட வேண்டும் என ரிச்சர்ட் பிஸார் கோரிக்கை விடுத்துள்ளார்.
ஈவு இரக்கமின்றி தாக்குதல் நடத்துவோம் : அமெரிக்காவுக்கு கடும் எச்சரிக்கை.
அமெரிக்கா மற்றும் தென் கொரிய நாடுகள் இணைந்து இராணுவ பயிற்சிகளில் ஈடுபட்டால் ஈவு இரக்கமின்றி தாக்குதல் நடத்தப்படும் என வடகொரியா எச்சரிக்கை விடுத்துள்ளது.
சர்வதேச ஊடகங்கள் வெளியிட்டுள்ள செய்தியில் இந்த விடயம் தெரிவிக்கப்பட்டுள்ளது. கடந்த 11ஆம் திகதி வடகொரியாவின் எல்லைப் பகுதிக்கு மிகவும் நெருக்கமாக எதிரிநாட்டு போர் விமானங்கள் பறந்துள்ளன.
அத்துடன், வடகொரியா மீது குண்டு வீசி தாக்குதல் நடத்துவதற்கும் பயிற்சிகள் மேற்கொள்ளப்பட்டுள்ளன. இது எமது நாட்டின் இறையாண்மைக்கு எதிரான ஒன்றாகவே கருதுகின்றோம்.
எனவே, இந்த பயிற்சி நடவடிக்கை தொடருமாக இருந்தால் தரை, கடல் மற்றும் ஆகாய மார்க்கமாக மிகவும் காடுரமான முறையில் தாக்குதல் மேற்கொள்ளப்படும் என வடகொரியா கடுமையாக எச்சரிக்கை விடுத்துள்ளது.
