சுவிசு மாப்பிளைக்கு நல்லசீதணமாம் சுகந்திரமோ சுழியமாம்.(0)
எங்கள் எல்லாப் பிள்ளைகளுக்கும் சொந்தக்காணிக்குள் வீடாம்.
மாதம்மாதம் வங்கிக்கு கட்டும் தொகை வீட்டுக்கடனின் வட்டித்தொகையாம்
இது தொடங்குவதிலிருந்து இருபத்தைந்து ஆண்டுகள் தொடருமாம்.
தங்கநகை ஆபரணங்கள் பெண்ணை அலங்கரிக்கும் ஆடவனை
அடிக்கடி அதுவருத்தும் எத்தனை பவுணுடன் வந்தேன் தெரியுமா?
விரும்பிய இடத்தில் வசிக்கமுடியாது வங்கிவீட்டிலேதான் வாழமுடியும்
நாங்கள் கொடுத்தவாகனத்தில் தான் மாப்பிள்ளை போய்வருவார்.
கொடுத்தவர் போலும் எடுத்தவர்போலும் நடத்துவது தவறுதானே
பெண்ணோடு வாழஒப்புக்கொண்டவரை பொருளோடு வாழவைத்து
வாழ்வை வளமாக்காது சிதைப்பது சீதணச்சிறையாகும்.
மணமக்களது வாழ்வை நலமாக்க மாற்றுவழிதேடுவோம்
மதில்கட்டி வாழ்ந்தோரின் மடமை தவிர்ப்போம்.
மேலத்தேசத்தில் பலமாறுதல் கொண்டோம் தவறானதையே தொடர்கின்றோம்.
சமயத்தில்தவறு மொழியில் தவறு பண்பாட்டில் தவறு வாழ்வியல் தவறு
எல்லாத் தவறும் அறியப்படாது தொடர்வது தவறாகும்.
சரியானதைத் தேடுவோம் தொடருவோம் வாரீர்.
குமரிநாட்டான்.சுவிசு-03.07.2011