குமரிநாடு.நெற்

 09.08.2011-நேரு குடும்பம் வாழையடி வாழையாக காங்கிரசு கட்சியையும் இந்தியாவையு ஆண்டு வருகிறது. இது தொடர்பாக பல்வேறு விமர்சனங்கள் இருந்த போதிலும் நேரு வாரிசுகளின் செல்வாக்கு இன்னும் இந்திய சமூகங்களில் சரியவில்லை என்று ஒரு கருத்துக்கணிப்பின் மூலம் தெரியவருகிறது. சிஎன்என் ஐபிஎன் தொலைக்காட்சிக்காக யாதவின் நிறுவனம் ஒரு கருத்துக்கணிப்பை  நடத்தியது. மொத்தம் 19 மாநிலங்களில், 39 ஆயிரம் பேரிடம் கருத்துக் கேட்டு அதன் முடிவுகளை இவர்கள் வெளியிட்டுள்ளனர்.மன்மோகன் சிங்கை நீக்கினால் அவருக்குப் பதில் யாரை பிரதமராக நியமிக்கலாம் என்ற கேள்விக்கு 42 சதவீதம் பேர் ராகுல் என்று கூறியுள்ளனர்.அடுத்த பிரதமராக யார் வர வேண்டும் என்ற கேள்விக்கு 19 சதவீதம் பேர் ராகுல் பெயரை கூறியுள்ளனர். கடந்த 2009ம் ஆண்டு 6 சதவீதமாக இருந்த ஆதரவு தற்போது 19 சதவீதமாக கிடுகிடுவென உயர்ந்துள்ளது ஆச்சரியத்தை அளிப்பதாக உள்ளது.அடுத்த இடத்தை மன்மோகன் சிங்கும், சோனியாவும் தலா 10 சதவீத ஆதரவுடன் பகிர்ந்து கொள்கின்றனர். ப.சிதம்பரம், பிரணாப் முகர்யி ஆகியோருக்கு தலா 7 சதவீத ஆதரவு கிடைத்துள்ளது.அதே வேளை சோனியாகாந்தி இந்தியாவின் பிரதமராக மக்களிடையே ஆதரவு இல்லை என்பதும் இக்கருத்துக் கணிப்பின் மூலம் தெரியவந்துள்ளது.